今次優惠非常抵，一次過買返之前用過自己好鍾意嘅擴香瓶，亦都買咗一啲之前想試嘅味道。然後再一次過買咗好多melt wax, 雖然咁短時間，未能夠每一種味都試曬，但係暫時試咗嘅good sleep, 桂花香，都係超級鍾意，成件事係非常有高級感！
點解要係呢一件product下面到留言呢？係因為
之前第一個買嘅香薰爐應該係<<灰境>>，開箱嘅時候已經覺得靚到爆炸😍！好有高級感！同時，成件事好有個性！然後已經忍唔住再買多一個，但係因為屋企太細，得200幾呎。。。只買咗個迷你版益子燒（超級cute）！
但今次5週年優惠，ignite送咗大嘅益子燒香薰爐畀我。開箱嘅時候，實在十級驚喜！大版原來仲靚😍好鍾意佢嘅白色，而且仲要有一個好靚嘅木盒包裝❤️❤️❤️
除了有外表，還很喜歡放蠟嗰個位，有個「V」位（唔識點打呢個字），每次啲蠟用完之後，呢個設計超細心，讓我可以用返啲蠟嚟整蠟燭仔。
喺忙碌嘅香港，喺屋企可以有一個小小嘅手工自製小蠟燭過程❤️❤️❤️呢一個製作過程非常自癒！而且燃點香薰爐過程超級有儀式感！
而家喺我嘅睡房，有一個小corner，可以放晒ignite不同嘅產品，有不同的香氣陪著我，讓我有一個可以好放鬆、屬於自己嘅空間。
P.S. 最後好想分享埋，因為我間房好細，而且好近大門口，每次返到屋企聞到擴香瓶嘅香氣，就覺得好開心。
P.S.2 我屋企係有養鸚鵡嘅，暫時都係覺得冇乜問題。
P.S.3 擴香瓶真係記得要兩三日就要將幾支棒棒倒一倒轉插。
